यहि मिति २०७७ साल कार्तिक २२ गते लुम्बिनी प्रदेश (५ नं प्रदेश), प्रदेश योजना आयोगका सदस्य श्री डा. विष्णु प्रसाद गौतम, सदस्य श्री पुष्पा भुषाल लुइंटेल, अधिकृत श्री शकुन्तला अर्याल र बिनोद घिमिरे, कार्यालय प्रमुख, प्रदेश भूमि, व्यवस्था कृषि तथा सहकारी मन्त्रालय अन्तर्गत रहेको एकिकृत कृषि तथा पशुपंक्षी विकास कार्यालय, बर्दियाद्वारा हरियाली सामुहिक कृषि मोडेल बारेको प्रस्तुतीकरण र अन्तरक्रिया कार्यक्रममा सहभागी हुनाका साथै हरियाली एकिकृत कृषि फार्मको भ्रमण गरी फार्मका विभिन्न क्रियाकलापहरुको अवलोकन गर्नुभयो । सोहि क्रममा हरियाली सामुहिक कृषि मोडेल बारेको प्रस्तुतीकरण यस ग्रुपका वरिष्ठ कृषि प्राविधिक सुदिप न्यौपानेले गर्नु भएको थियो । सो अन्तरक्रिया कार्यक्रममा उहाँहरुले हरियाली कृषि मोडल एक उत्कृष्ट मोडल रहेको र यस मोडल नेपालको हाल कृषि क्षेत्रमा विद्यमान समस्याहरुको समाधान गर्ने किसिमको रहेको जिकिर गर्नु भयो । यस्तै गरी, उहांहरुले लुम्बिनी प्रदेशको बर्दिया लगायतका अन्य जिल्लामा समेत यस मोडल अनुसार कार्य गर्न सकिने बताउनु भयो । साथै, यस हरियाली ग्रुपको हालसम्मको कार्य उत्साहजनक रहेको र यस ग्रुपले देखेको सपना तथा लक्ष्य छिटै प्राप्ति होस् भनि शुभकामना व्यक्त गर्नु भयो।
समाचार
